Муҳсин Нақавӣ, вазири корҳои дохилии Покистон, дар дидор бо Эспен Барт Эйде, вазири корҳои хориҷии Норвегия, гуфтааст, ки аз хоки Афғонистон алайҳи Покистон истифода мешавад.

Ба гузориши расонаи “Дон”, Муҳсин Нақавӣ рӯзи ҷумъа, 14-уми август, дар дидор бо вазири корҳои хориҷии Норвегия дар бораи ҳамлаҳои террористӣ ба Покистон аз хоки Афғонистон гуфтугӯ кардааст.

Бар асоси гузориш, ду ҷониб мувофиқа кардаанд, ки ҳамкориҳоро дар заминаи мубориза бо терроризм ва пешгирӣ аз муҳоҷирати ғайриқонунӣ тақвият диҳанд.

Дар гузориш омадааст, ки вазъи Афғонистон ва фаъолияти созмонҳои мамнуъ дар ин кишвар аз меҳварҳои асосии гуфтугӯи ду ҷониб будааст.

Нақавӣ бо ташбеҳ кардани Покистон ба деворе миёни ҷаҳон ва терроризм гуфтааст: “Хоки Афғонистон пайваста барои терроризм дар Покистон истифода мешавад.”

Мақомоти Покистон тайи чанд соли ахир гурӯҳи террористии Толибонро ба ҳимоят аз гурӯҳҳои зидди Покистон муттаҳам кардаанд.

Dialog.tj