Манобеи маҳаллӣ дар ноҳияи Нусайи вилояти Бадахшони Афғонистон ба расонаҳои ин кишвар гуфтаанд, ки даргирӣ миёни неруҳои зидди гурӯҳи террористии Толибон ва ҷангҷӯёни ин гурӯҳ дар наздикии қароргоҳи неруҳои Ҷумъахон Фотеҳ сар задааст.

Манобеъ рӯзи сешанбе, 11-уми август, ба рӯзномаи “8-и субҳ”-и Афғонистон гуфтаанд, ки пас аз он ки ҷангҷӯёни Толибон дар рустои Қуғаз ба як ғайринизомӣ ба номи Мустафо тирпарронӣ кардаанд, даргирӣ миёни ду тараф оғоз шудааст.

Ба гуфтаи манобеъ, даргирӣ баъдан дар рустои Зғар, дар наздикии зодгоҳи Ҷумъахон Фотеҳ ва рустои Родавҷ идома ёфтааст.

Манобеъ меафзоянд, ки дар ҷараёни ин даргириҳо, ҷангҷӯёни Толибон муттаҳам ба талафот шудаанд.

Ин дар ҳолест, ки дар рӯзҳои ахир, ҳамлаҳои Ҷабҳаи озодӣ ва дигар ҷабҳаҳои зидди Толибон дар нуқтаҳои мухталифи Бадахшон афзоиш ёфтааст.

Dialog.tj