Украина иддао кардааст, ки ҳамлаҳои ахири мушакии Русия бар ин кишвар, ки дастикам 10 кушта ва даҳҳо захмӣ бар ҷой гузошт, бо партоби мушакҳои сохти Кореяи Шимолӣ анҷом шудааст.

Хабаргузории “Франс”, рӯзи чаҳоршанбе, 12-уми август, гузориш дод, Украина ин иддаоро пас аз он матраҳ кардааст, ки Владимир Зеленский, раиси ҷумҳури ин кишвар, ҳушдор дод, ки Маскав дар ҳоли дарёфти мушакҳои баллистикӣ аз Кореяи Шимолӣ аст.

Бар асоси гузориш, як шаҳр дар ҷанубу шарқи Украина, дар охирин ҳамлаи шабонаи Русия бештар осеб дид ва мақомоти маҳаллӣ гуфтанд, ки ҳафт тан кушта ва 24 тан захмӣ шуданд.

Бо ин ҳол, Зеленский ахиран ҳушдорҳои худро дар мавриди амиқтар шудани равобити низомӣ байни Маскав ва Пхенян такрор карда ва дар айни ҳол хостори таъмини бештари таҷҳизоти дифои ҳавоии ғарбӣ шудааст.

Dialog.tj