123 нафар дар пайи заминларзае ба қувваи 7,4 рихтер дар ғарби Колумбия кушта ва 570 тани дигар захмӣ шудаанд.

Расонаҳои байналмилалӣ гузориш додаанд, ки ин заминларза рӯзи душанбе, 10-уми август, минтақаҳое аз ғарби Колумбия, аз ҷумла шаҳрҳои Калӣ, Перейра, Кибдо ва Манисалесро ларзондааст.

Бар асоси гузоришҳо, ин заминларза боиси фурӯ рехтани биноҳо, осеб дидани бемористонҳо ва зерсохторҳо ва зери харобаҳо мондани одамони зиёд шудааст.

Тибқи гузориши Созмони заминшиносии Иёлоти Муттаҳида, ин заминларза яке аз шадидтарин заминларзаҳои сабтшуда дар Колумбия дар қарни XXI будааст.

Раиси ҷумҳури Колумбия пас аз эъломи вазъи фавқулодаи миллӣ гуфтааст, ки наҷоти афроде, ки зери харобаҳо дармондаанд, авлавияти аслии давлат аст.

Неруҳои ёрирасон, полис ва довталабон низ амалиёти ҷустуҷӯ ва наҷот барои пайдо кардани бозмондагон дар минтақаҳои осебдидаро идома медиҳанд.

Dialog.tj