Мулло Абдулғанӣ Бародар, муовини иқтисодии Раёсати вазирони гурӯҳи террористии Толибон ва Қурбонгулӣ Бердимуҳаммадов, раҳбари миллии Туркманистон, дар бораи охирин пешрафтҳои лоиҳаи ТАПИ (TAPI, Туркманистон, Афғонистон, Покистон ва Ҳиндустон) ва густариши ҳамкориҳои иқтисодӣ миёни ду тараф гуфтугӯ кардаанд.

Хабаргузории “Бохтар”-и таҳти назорати Толибон рӯзи душанбе, 10-уми август гузориш додааст, ки ин дидор дар Турғундии вилояти Ҳирот анҷом шудааст.

Муовини иқтисодии Толибон ҳамчунин, хостори ҳалли мавзуъҳои боқимондаи пружаи ТАПИ ва фароҳамсозии имкониятҳои кории бештар барои афғонҳо шудааст.

Дар ин дидор бар бозгушоии Бандари Ойкрим барои транзити нафт, интиқоли молҳои Афғонистон аз бандари Туркманбошӣ, фаъолсозии роҳи Лоҷвард ва бозсозӣ ва тавсеаи хати оҳани Ҳирот–Турғунди низ таъкид шудааст.

Қурбонгулӣ Бердимуҳаммадов равобити миёни ду тарафро дар бисёр хуб тавсиф намуда ва гуфтааст, ки Туркманистон омодаи ҳамкорӣ барои такмили пружаи ТАПИ то Ҳирот, сохтани шабакаи тавзеи газ ва оғози амалии пружаи ТАП аст.

Dialog.tj