Исмоил Бақоӣ, сухангӯи Вазорати корҳои хориҷии Эрон, мегӯяд амнияти минтақа аз тариқи Амрико таъмин намешавад, зеро ба гуфтаи ӯ, Амрико худ бахше аз ноамнӣ дар минтақа аст.

Бақоӣ рӯзи душанбе, 10-уми август, гуфт, ки набояд ин тасаввур вуҷуд дошта бошад, ки амнияти минтақа аз тариқи Амрико таъмин мешавад.

Ӯ афзуд, ки Амрико шароитеро фароҳам мекунад, ки Исроил битавонад бидуни ҳарос аз ҷавобгарӣ, ҷанг ба вуҷуд биоварад.

Сухангӯи Вазорати хориҷаи Эрон гуфт, ки Амрико аз Исроил дар сатҳи сиёсӣ ва амниятӣ ҳимоят мекунад.

Ба гуфтаи Бақоӣ, Исроил бидуни ҳимояти Амрико наметавонист ин иқдомотро анҷом диҳад ва ҳамчунон идома диҳад.

Ин изҳорот дар ҳоле матраҳ мешавад, ки танишҳо ва даргириҳо миёни Эрон ва Исроил, бо ҳимояти сиёсӣ ва низомии Амрико аз Исроил, ба яке аз меҳварҳои асосии ихтилофоти минтақаӣ табдил шудааст.

Теҳрон борҳо аз нақши Вашингтон дар ҳимоят аз Исроил интиқод карда ва Амрикоро масъули ташдиди ноамнӣ ва бесуботӣ дар Ховари Миёна донистааст.

Dialog.tj