Артиши Яман гуфта, ки неруҳояш дар чандин ҷабҳа амалиётҳоеро алайҳи неруҳо ва таҷҳизоти ҳусиҳо анҷом додааст.

“Ал-Ҷазира”, рӯзи шанбе, 8-уми август, гузориш дода, ки ин мавзуъро як сухангӯи артиши Яман дар телевизиони расмии ин кишвар баён кардааст.

Бар асоси гузориш, артиши Яман гуфта, ки ин амалиётҳо дар посух ба он чӣ ҳамлаҳои такрории ҳусиҳо алайҳи неруҳои давлатӣ ва ғайринизомиён хонда мешавад, анҷом шудааст.

Артиши Яман ҳушдор дода, ки ҳамлаҳои ҳусиҳо бо посухи низомии қотеъ рӯбарӯ хоҳад шуд.

Ин дар ҳолест, ки дар рӯзҳои ахир, ҳусиҳои ҳоким бар шимоли Яман бар киштиҳо ва таъсисоти нафтии Арабистон дар баҳри Сурх ва тангаи Бобулмандаб ҳамла кардаанд.

Ҳусиҳо як гурӯҳи муттаҳиди Эрон ба шумор мераванд ва аз чанд сол ба ин сӯ, назорати Санъо, пойтахти Яманро дар ихтиёр доранд.

Dialog.tj