Раёсати Вазорати корҳои дохилӣ дар шаҳри Душанбе аз боздошти марде хабар дод, ки хонаи волидонашро оташ задааст.

Манбаъ навиштааст, ки 4-уми августи соли ҷорӣ Ҳайдаров Абдулҳамид, соли таваллудаш 1990 бо падару модар ва дигар аъзои оилаи худ муноқиша намуда, дар ҳолати хашм бо истифода аз маводи сузишвории бензин манзили истиқоматии волидонашро қасдан оташ зада, ба онҳо зарари молиявӣ низ расонидааст.

Иттилоъ дода мешавад, ки вобаста ба ин ҳодиса, маводи зарурии тафтишотӣ тартиб дода шуда, нисбат ба Ҳайдаров Абдулҳамид санҷиши пешакӣ идома дорад.

Афзуда мешавад, ки номбурда қаблан барои муомилоти ғайриқонунии воситаҳои нашъадор тибқи талаботи моддаи 200 Кодекси ҷиноятии Ҷумҳурии Тоҷикистон ба ҷавобгарии ҷиноятӣ кашида шуда буд.

Dialog.tj