Ҷасади 112 фаластинӣ, ки се сол қабл бар асари ҳамлаҳои ҳавоии Исроил кушта шуда буданд, аз зери вайронаҳо берун оварда шуда ва дафн гардиданд.

“Ройтерз” рӯзи сешанбе, 4-уми август, гузориш додааст, ки ин қурбониёни ҷанг дар Ғазза, аз қабилаи Ал-Ҳасания Сабра ҳастанд, ки тақрибан тамоми онҳо се сол қабл дар пайи ҳамлаҳои Исроил кушта шуданд.

Бар асоси гузориш, 308 узви ин қабила соли 2023 кушта шуданд.

Гуфта шудааст, ки ҳудуди нисфи кушташудагон қаблан пайдо ва дафн шуда буданд, аммо 153 ҷасад то кунун зери вайронаҳо монда буд.

Бо ин ҳол, тақрибан се сол баъд, як гурӯҳи кофтукови иборат аз 40 коргар, 17 рӯзро бо диққат ва заҳмат сарфи ҷустуҷӯи харобаҳо карданд ва боқимондаҳои 112 нафар қурбониёро, берун оварданд.

Dialog.tj