Муҳсин Ризоӣ, мушовири раҳбари Эрон, гуфтааст, ки Эрон ҳаргиз иҷозаи боз шудани долони дувумро дар тангаи Ҳурмуз намедиҳад.

Ӯ бомдоди сешанбе, 4-уми август, дар саҳифаи “Х” навиштааст, ки Теҳрон идомаи муҳосираи дарёиро таҳаммул нахоҳад кард.

Ризоӣ ҳушдор додааст, ки дар сурати идомаи муҳосираи дарёӣ, киштиҳо ва неруҳои амрикоӣ бо хатарҳои ҷиддӣ ва талафот рӯбарӯ хоҳанд шуд.

Ӯ ҳамчунин, таъкид кардааст, ки Амрико бояд рафтори худро дар минтақа тағйир диҳад.

Ин дар ҳолест, ки пештар низ неруҳои мусаллаҳи Эрон ҳушдор дода буданд, ки идомаи муҳосираи дарёӣ ба маънои идомаи ҷанг талаққӣ хоҳад шуд.

Бо ин ҳол, артиши Амрико бо таъкид бар муҳосираи дарёии Эрон, аз тағйири масири даҳҳо киштӣ дар рӯзҳои ахир хабар додааст.

Dialog.tj