Томас Массӣ, намояндаи Конгресси Амрико, хостори хуруҷи давлати Доналд Трамп, раиси ҷумҳури Амрико, аз муноқиша бо Эрон шудааст.

Шабакаи “Ал-Ҷазира” рӯзи шанбе, 1-уми август, гузориш додааст, ин намояндаи Конгресси Амрико ҳушдор додааст, ки таъхир дар хуруҷ аз ҷанг хатари заиф шудани сохторҳои сиёсӣ ва низомии Амрикоро ба ҳамроҳ дорад.

Бар асоси гузориш, Томас Массӣ гуфтааст, ки Эрон мунтазир аст, то дастикам се корти дигарро пеш аз таслим шудан ё расидан ба тавофуқ бубинад.

Ӯ ин се кортро чунин номидааст: ба поён расидани захираҳои стратегии нафти Амрико, ба поён расидани тавони дифои зиддимушакии минтақа ва аз даст рафтани аксарияти ҷумҳурихоҳон дар Конгресс.

Ин дар ҳолест, ки ба тозагӣ расонаҳои амрикоӣ аз баррасии гузинаи ҳамла ба зерсохторҳои энержии Эрон аз ҷониби Доналд Трамп хабар додаанд.

Dialog.tj