Ба гузориши расонаҳои байналмилалӣ, эътирозҳо ҳамзамон бо баргузории интихоботи минтақавӣ дар Кашмири зери идораи Покистон ба хушунат кашида шудааст.

Хабаргузории “Ройтерз” рӯзи панҷшанбе, 30-уми июл, гузориш дод, ки беш аз 30 нафар дар атрофи шаҳри Равалакот, дар даргирӣ бо неруҳои амниятӣ пеш аз баргузории даври дуюми интихобот, кушта шудаанд.

Ҳизби ҳокими Покистон, “Лигаи мусалмонони Покистон” (PML-N), дар интихоботи рӯзи душанбе тавонист 9 курсӣ аз маҷмуи 13 курсии мавриди рақобат дар ноҳияҳои Мирпур, Котлӣ ва Бҳимберро ба даст орад.

Қарор буд ин интихобот рӯзи 27-уми июл ва дар як марҳила баргузор шавад, аммо мақомот бо истинод ба нигарониҳои амниятӣ, онро бар асоси ноҳияҳо ба се марҳила тақсим карданд.

Даврҳои дуюм ва сеюми интихобот мутаносибан 2-уми август ва 10-уми август баргузор хоҳанд шуд.

Dialog.tj