Атоуллоҳ Умарӣ, вазири кишоварзӣ, обёрӣ ва чорводории гурӯҳи террористии Толибон, бо Ҷамшед Хоҷаев, муовини сарвазири Ҷумҳурии Ӯзбекистон дидор кардааст.

Вазорати кишоварзӣ, обёрӣ ва чорводории Толибон рӯзи душанбе, 27-уми июл, дар хабарномае гуфта, ки ду тараф дар бораи густариши равобити дуҷониба суҳбат кардаанд.

Бар асоси ин хабарнома, муовини сарвазири Ӯзбекистон низ гуфтааст, ки Тошканд барои ҳамкорӣ дар заминаи тавлиди маҳсулоти кишоварзӣ, коркарди маҳсулот ва иҷрои тарҳҳои муштарак омода аст.

Ба гуфтаи Толибон, дар ин дидор имкониятҳои мавҷуд дар бахшҳои кишоварзӣ, чорводорӣ ва обёрии Афғонистон, тавсеаи ҳамкориҳои иқтисодӣ ва иҷрои тарҳҳои муштарак баррасӣ шудаанд.

Ин дидор дар ҳоле баргузор мешавад, ки равобити гурӯҳи террористии Толибон ва Ӯзбекистон пас аз тасаллути ин гурӯҳ бар Афғонистон дар соли 2021, ба вижа дар бахшҳои иқтисодӣ, тиҷоратӣ ва транзитӣ, густариш ёфтааст.

Dialog.tj