Иттилооти таҳлилии киштиронии “Кеплер” нишон медиҳад, ки трафики киштиронӣ тавассути Бобулмандаб пас аз ҳамлаи ҳусиҳо ба таъсисоти нафтии Арабистони Саудӣ дар соҳилҳои Баҳри Сурх коҳиш ёфтааст.

“Рейтерз”, бомдоди душанбе, 27-уми июл, гузориш додааст, ки рӯзи гузашта 11 киштии тиҷоратӣ аз тангаи Бобулмандаб убур кардаанд, ки поинтарин сатҳ дар моҳҳои ахир аст.

Бар асоси гузориш, аз ҳафтаи гузашта трафики Баҳри Сурх аз ҷониби ҳусиҳо дар соҳилҳои Яман маҳдуд шуда ва камбуди нафтро, ки дар пайи даргирии Иёлоти Муттаҳида ва Эрон густариш ёфт, афзоиш додааст.

Гузоришҳо нишон медиҳанд, ки чаҳор киштӣ, ки рӯзи якшанбе аз Баҳри Сурх хориҷ шудаанд, шомили як нафткаш бо парчами Гонкокг буданд, ки ҳомили ду миллион бушка нафти хоми Арабистони Саудӣ ва Аморот ба бандари Нинбо дар шарқи Чин, як нафткаши ҳомили як миллион бушка нафти хоми Русия ба Чин ва як нафткаш бо ҳудуди 750 ҳазор бушка нафти хоми Арабистони Саудӣ ба Покистон буд.

Ин дар ҳолест, ки таниш миёни Арабистони Саудӣ ва ҳусиҳои Яман доманаи даргирӣ ва танишро аз Халиҷи Форс ба сатҳи густурдатаре аз минтақаи Ховари Миёна густариш додааст.

Dialog.tj