Фараҳноз Шарафова, сарояндаи ҷавону соҳибистеъдоди тоҷик дар саҳифаи расмиаш дар шабакаи Инстаграм саволу ҷавоб кард ва ба пурсишҳои мухлисону обуначиёнаш посух гардонид.

Нахуст мухлисон аз орзуҳо, махсусан, орзуҳои амалинашудааш пурсидаанд. Дар посух сарояндаи ҷавон гуфтааст, ки то имрӯз ба ҷуз як орзу дигар ҳама орзуҳояш амалӣ шудаанд. Орзуи амалинашудааш ин зиёрати хонаи Худост. Сароянда меафзояд, ки ҳоло омода нест барои ба Ҳаҷ рафтан ва мехоҳад вақте сафар кунад, ки сидқан омода бошад.

Яке аз саволҳои дигар дар мавриди духтараш аст. Яъне пурсидаанд, ки оё мехоҳад духтараш низ роҳи сарояндагиро интихоб намояд, вале Фараҳноз Шарафова қанъиян гуфтааст, ки намехоҳад. Меафзояд, ки худаш касби сарояндагиро дӯст медорад, вале намехоҳад, ки кӯдакаш ба ин роҳ биравад.

Дар мавриди идомаи фаъолияти овозхониаш низ мепурсанд ва посух додааст, ки ҳоло дар мавриди қатъи фаъолияти ҳунариаш чизе гуфта наметавонад.

Ҳамчунин, аз Фараҳноз Шарафова дар мавриди шавҳараш пурсон гардидаанд. Ӯ посух додааст, ки дар мавриди ҳаёти шахсиаш сухани зиёд дорад ва ба наздикӣ дар мусоҳибае қисса хоҳад кард.

Dialog.tj