Антониу Гутерриш, дабири кулли Созмони Милали Муттаҳид, бо ҳушдор дар бораи ташдиди даргириҳо дар Ховари Миёна гуфтааст, ки ҳеч роҳи ҳалли низомӣ барои буҳронҳои минтақа вуҷуд надорад ва дипломатия танҳо роҳи поён додан ба ин даргириҳо аст.

Гутерриш рӯзи панҷшанбе, 23-уми июл, хостори таваққуфи даргириҳо дар Ховари Миёна ва барқарории дубораи озодии киштиронӣ дар тангаҳои Ҳурмуз ва Бобулмандаб шудааст.

Ӯ афзудааст: “Вақте тарафҳо роҳҳалҳои низомиро бар роҳҳалҳои музокиротӣ бартар медонанд, ғайринизомиён қурбон мешаванд”.

Дабири кулли Созмони Милали Муттаҳид ҳамлаҳо алайҳи ғайринизомиён ва зерсохтҳоро ғайриқобили қабул дониста ва ҳушдор додааст, ки авзоъ дар минтақа дар ҳоли хориҷ шудан аз контрол аст.

Ин изҳорот дар ҳоле матраҳ мешавад, ки даргириҳои низомӣ миёни Амрико ва Эрон ва афзоиши танишҳо дар Ховари Миёна нигарониҳоро дар бораи густариши доманаи ҷанг дар минтақа афзоиш додааст.

Dialog.tj