Алӣ Фолиҳ ал-Зайдӣ, нахуствазири Ироқ, дар раъси як ҳайати баландпоя рӯзи панҷшанбе бо сафари расмӣ вориди Теҳрон шуд.

Ба гузориши расонаҳои эронӣ, ин сафар ба даъвати Масъуд Пизишкиён, раиси ҷумҳури Эрон, анҷом шудааст. Аз нахуствазири Ироқ ҳангоми вуруд ба фурудгоҳи Теҳрон Сайид Алӣ Маданизода, вазири иқтисоди Эрон ва раиси Комиссияи муштараки ҳамкориҳои Эрону Ироқ, истиқбол кардааст.

Сарвазири Ироқ пеш аз сафар гуфта буд, ки дар дидор бо мақомоти олии Эрон масъалаҳои мавриди таваҷҷуҳи ду кишвар, роҳҳои густариши ҳамкориҳои дуҷониба, таҳаввулоти минтақа ва тақвияти амнияту суботи минтақаро баррасӣ хоҳад кард.

Ба гуфтаи Зайдӣ, Ироқ ва Эрон дорои равобити таърихӣ, тамаддунӣ, марзҳо ва манофеи муштарак ҳастанд ва ҳамин муштаракот заминаи ҳамкорӣ, гуфтугӯ ва эҳтироми мутақобилро барои рушди ду кишвар ва ҳифзи амнияту суботи минтақа ва ҷаҳон фароҳам мекунад.

Dialog.tj