Намояндаи доимии Исроил дар Созмони Милали Муттаҳид дархости Зуҳрон Мамдонӣ, шаҳрдори Ню-Йорк, аз давлати федералии Амрико барои боздошти Бинёмин Нетаняҳу дар ҷараёни сафари барномарезишудаи ӯ ба ин шаҳрро мавриди интиқод қарор додааст.

“Фокс Нюз” рӯзи панҷшанбе, 23-уми июл, гузориш додааст, ки Дани Данон, намояндаи Исроил дар Созмони Милал, дархости Мамдониро “намоиши сиёсӣ” тавсиф кардааст.

Ӯ дар вокуниш ба ин дархост гуфтааст, ки шаҳрдори Ню-Йорк бояд ба ҷойи пардохтан ба чунин мавзуъҳо, бар расидагӣ ба мушкилот ва нигарониҳои бошандагони ин шаҳр тамаркуз кунад.

Ин вокуниш пас аз он матраҳ шуд, ки Мамдонӣ аз давлати федералии Амрико хост, дар сурати сафари Нетаняҳу ба Ню-Йорк, ӯро боздошт кунад: дархосте, ки бо интиқоди мақомоти исроилӣ рӯбарӯ шудааст.

Зуҳрон Мамдонӣ гуфтааст, ки аз ҳукми боздошти Девони байналмилалии ҷиноӣ барои Нетаняҳу ҳимоят мекунад, аммо идораи шаҳрдории Ню-Йорк салоҳияти қонунии иҷрои ин ҳукмро надорад.

Dialog.tj