Стефан Дюҷаррик, сухангӯи дабири кулли Созмони Милали Муттаҳид, эълом кардааст, ки дар пайи селҳои шадид дар шарқи Афғонистон, беш аз 40 нафар ҷон бохта, даҳҳо тани дигар захмӣ ва шумори зиёде нопадид шудаанд.

Дюҷаррик рӯзи сешанбе, 21-уми июл, дар як нишасти хабарӣ гуфт, ки ин селҳо хисороти густардае ба хонаҳо, биноҳои умумӣ ва касбу корҳо ворид кардаанд.

Ба гуфтаи ӯ, фароҳам кардани сарпаноҳи изтирорӣ, кумакҳои ғизоӣ, хизматрасонии тандурустӣ, лавозими зарурии хонаводагӣ ва ҳимоятҳои равонӣ ва иҷтимоӣ аз муҳимтарин ниёзҳои фаврии селзадагон ба шумор меравад.

Сухангӯи дабири кулли Созмони Милали Муттаҳид афзуд, ки амалиёти ҷустуҷӯ ва наҷот дар минтақаҳои шадидан осебдида ҳамчунон идома дорад.

Ӯ таъкид кард, ки Созмони Милали Муттаҳид ва шарикони башардӯстонаи он дар ҳоли арзёбии вазъият ва барномарезӣ барои расидагӣ ба ин буҳрон ҳастанд.

Dialog.tj