Бинобар иттилои хадамаоти матбуоти раиси ВМКБ, дар натиҷаи якбора баланд шудани ҳарорати ҳаво ва обшавии босуръати пиряхҳо, 20-уми июл дар деҳаҳои Баррушон ва Деҳрушони ноҳияи Рӯшон сел омада, ба хонаҳои истиқоматӣ зарар расонид.

Дар ин росто, таҳти раёсати Шарифхон Сафарзода, раиси ВМКБ ҷаласаи ситоди вилоятӣ оид ба бартарафкунии оқибатҳои офати табиӣ дар ноҳияи Рушон баргузор гардида, гуфта шуд, ки дар натиҷаи офати табиӣ дар деҳаи Баррушон 10 хонаи истиқоматӣ пурра, 6 хона қисман ва 14 хона ба таври сабук зарар дидааст. Дар деҳаи Деҳрушон 4 хонаи истиқоматӣ қисман ва 6 хона ба таври сабук осеб дидааст, ки дар умум 40 хонаи истиқоматиро ташкил медиҳад. 

Тибқи иттилои манбаъ, хонаҳои сокиноне, ки аз офати табиӣ зарар диданд, аз тарафи Ҳукумати Ҷумҳурии Тоҷикистон бо дастуру супоришҳои Пешвои миллат муҳтарам Эмомалӣ Раҳмон пурра барқарор карда мешаванд.

Гуфта мешавад, ки корҳои сохтмонӣ аз ҳамин рӯз, 22-юми июл оғоз мегарданд.

Dialog.tj