Ба гузориши расонаҳои бритониёӣ, Амрико интизор дорад, ки ҳукумати нави Британия иҷозаи истифода аз пойгоҳҳои низомии стратегии ин кишварро барои Вашингтон фароҳам кунад.

Рӯзномаи “Телеграф” (The Telegraph) рӯзи сешанбе, 21-уми июл, гузориш додааст, ки Доналд Трамп, раиси ҷумҳури Амрико, ба Энди Бернем, нахуствазири нави Британия, фишор меорад, то дастрасии Амрико ба пойгоҳҳои неруи ҳавоии шоҳии ин кишвар дар Фэрфорд ва Диего Гарсия ҳифз шавад.

Андаке пас аз он ки Энди Бернем рӯзи душанбе ба ҳайси нахуствазири Британия ба кор оғоз кард, раиси ҷумҳури Амрико бо ӯ гуфтугӯи телефонӣ анҷом дод.

Ҳукумати пешини Британия ба раҳбарии Кир Стармер дар оғоз бо истифодаи Амрико аз пойгоҳи Диего Гарсия барои анҷоми ҳамлаҳо алайҳи Эрон мухолифат карда буд, аммо баъдан иҷозаи истифода аз ин пойгоҳро барои амалиётҳои дифоӣ содир кард.

Ин гузориш дар ҳоле нашр мешавад, ки дар пайи ташдиди танишҳо миёни Эрон ва Амрико, эҳтимоли густариши даргириҳо дар минтақа афзоиш ёфтааст.

Dialog.tj