Манобеи амниятии Покистон хабар додаанд, ки марзбонони ин кишвар дар посух ба ҳамлаҳои ҷангҷӯёни Толибон ба посгоҳҳои марзии Покистон, мавқеъҳои Толибонро ҳадафи ҳамлаҳои тӯпхонаӣ қарор додаанд.

Рӯзномаи “Дон”, рӯзи якшанбе, 19-уми июл гузориш додааст, ки ҷангҷӯёни Толибон ба посгоҳҳои марзбонии Покистон бо силоҳҳои сабук ва сангин ҳамла кардаанд.

Бар асоси гузориш, неруҳои амниятии Покистон дар вокуниш ба ҳамлаҳои гурӯҳи террористии Толибон, мавқеъҳои ин гурӯҳро дар ин сӯйи марз ҳадаф қарор додаанд.

Неруҳои амниятии Покистон муддаӣ шудаанд, ки дар пайи ҳамлаҳои мусаллаҳона алайҳи Толибон, ҷангҷӯёни ин гурӯҳ аз мавқеъҳои худ фирор кардаанд.

Бо ин ҳол, ҷангҷӯёни Толибон аз замони тасаллути дубора бар Афғонистон, борҳо бо марзбонони покистонӣ даргир шудаанд.

Dialog.tj