Дар даври ниҳонии Ҷоми ҷаҳон-2026 мунтахабҳои Аргентина ва Испания бо ҳам рақобат карданд, ки бо ҳисоби 0:1 тими миллии Испания ғолиб омада, қаҳрамони ин мусобиқаи бонуфузи сайёра гардид.

Ҳарчанд алоқамандони футбол аз даври ниҳонии Ҷоми ҷаҳон-2026 футболи кушод ва серголро интизор буданд, вале ин тавр нашуд. Дастаҳо эҳтиёткорона бозӣ карданд ва ду қисми асосӣ бидуни гол ба анҷом расид. Дар қисмҳои иловагӣ ҳам оромии бозӣ нигоҳ дошта шуд ва дар дақиқаи 106-ум ҳамлагари мунтахаби Испания Ферран Торрес ҳисобро кушод ва ғалаби дастаашро таъмин кард.

Бояд гуфт, ки тими миллии Испания бори дуюм аст, ки қаҳрамони Ҷоми ҷаҳон мешавад. Аргентина бошад, қаҳрамонии худро ҳимоя карда натавонист.

Ҳамин тавр, беҳтаринҳои Ҷоми ҷаҳон-2026 инҳоянд: беҳтарин бозингар – Родрӣ, беҳтарин бозингари ҷавон – П. Кубарси, беҳтарин дарвозабон – У. Симон ва беҳтарин нишонзан Килиан Мбаппе.

Dialog.TJ