Ба гузориши расонаҳои байналмилалӣ, мавҷи ҳамлаҳои паҳподии Украина дар Русия боиси кушта шудани ҳафт коргари анбор ва захмӣ шудани даҳҳо нафари дигар шудааст.

Хабаргузории “Рейтерз” рӯзи шанбе, 18-уми июл, ба нақл аз мақомоти маҳаллӣ гузориш дод, ки дар пайи бархӯрди паҳподҳои украинӣ ба як анбор дар шаҳри Котовск, 25 нафар захмӣ шуданд.

Евгений Первишов, раиси вилояти Тамбов, гуфт, ки паҳподҳои украинӣ ба як анбори мутааллиқ ба ширкати “Wildberries”, бузургтарин фурӯшгоҳи онлайнии Русия, дар шаҳри Котовск бархӯрдаанд ва дар натиҷаи он 25 нафар захмӣ шудаанд.

Ин шаҳр дар вилояти Тамбов ва дар ҳудуди 475 километрии ҷанубу шарқи Маскав ҷойгир аст.

Ҷанги Русия ва Украина, ки аз феврали соли 2022 оғоз шуд, ба яке аз бузургтарин даргириҳои низомӣ дар Аврупо пас аз Ҷанги дуюми ҷаҳонӣ табдил шудааст.

Дар моҳҳои охир Украина бо истифода аз паҳподҳои дурпарвоз ҳамлаҳои худро ба минтақаҳои гуногуни Русия афзоиш дода, ҳадафҳое монанди таъсисоти нафтӣ, марказҳои низомӣ ва зерсохторҳои логистикиро мавриди ҳадаф қарор додааст.

Dialog.tj