Шумори қурбониёни заминларзаҳои моҳи гузаштаи Венесуэла ба беш аз 5 000 тан расид.

Ҷорҷ Родригез, раиси Маҷлиси миллии Венесуэла, рӯзи ҷумъа, 17-уми июл, дар “Х” эълом кард, ки шумори ҷонбохтагони заминларзаҳои моҳи гузашта дар ин кишвар ба беш аз 5 ҳазору 60 тан расидааст.

Ӯ бо нашри ҷадвале афзудааст, ки шумори захмиёни ин рӯйдоди табиӣ низ ба 16 ҳазору 740 тан расидааст.

Бо ин ҳол, давлати Венесуэла эълом кардааст, ки то кунун ба 128 ҳазору 342 хонаводаи осебдида кумакрасонӣ карда, барои онҳо сарпаноҳҳои муваққатӣ фароҳам овардааст.

Давлати Венесуэла ҳушдор додааст, ки ҳанӯз наздик ба 18 ҳазор нафар дар пайи ин заминларзаҳо бехона боқӣ мондаанд.

Моҳи гузашта ду заминларза ба қувваи 7,2 ва 7,5 дараҷаи Рихтер минтақаҳое аз Венесуэларо такон дод, ки хисороти густурдае бар ҷой гузошт.

Dialog.tj