Бинобар иттилои Кумитаи ҳолатҳои фавқулода ва мудофиаи гарждании назди Ҳукумати Ҷумҳурии Тоҷикистон, дар нимсолаи якуми соли равон дар ҳудуди кишвар 83 кас ғарқ шудаанд, ки нисбат ба ҳамин давраи соли гузашта 8 нафар кам мебошад. 

Тавре ки дар нишасти хабарии Кумитаи ҳолатҳои фавқулода ва мудофиаи гарждании назди Ҳукумати Ҷумҳурии Тоҷикистон гуфта шуд, сабабҳои асосии ғарқшавии шаҳрвандон беэҳтиётӣ, беназоратии волидон ва хусусан риоя накардани қоидаҳои оббозӣ мебошад аст.

Тибқи иттилои дастрас, дар вилоятҳои Суғду Хатлон ва шаҳру ноҳияҳои тобеи ҷумҳурӣ аз ҳама бештар ғарқшавӣ ба қайд гирифта шудааст.

Дар нишаст зикр гардид, ки аз шумораи умумии ғарқшудагон 9 нафар кӯдаки то 4-сола, 11 нафар аз 5 то 10-сола, 13 нафар аз 11 то 16-сола, 23 нафар аз 17 то 35-сола ва 27 нафар аз 36-сола боло мебошанд.

Dialog.tj