Сайид Аббос Ироқчӣ, вазири хориҷаи Эрон, гуфт, ки Амрико дар ҳамлаҳо алайҳи Эрон муртакиби ҷинояти ҷангӣ шудааст ва ҳадаф қарор додани зерсохторҳои ҳаётии ин кишварро нақзи қонунҳои байналмилалӣ хондааст.

Ироқчӣ рӯзи панҷшанбе, 16-уми июл, гуфтааст, ки ҳамлаҳои Амрико ба зерсохторҳои ҳаётӣ ва таҳдид ба ҳадаф қарор додани пулҳо ва неругоҳҳо, нишондиҳандаи “қасди ҷинояткорона”-и мақомоти амрикоӣ барои анҷоми ҷиноятҳои сангин аст.

Вазири хориҷаи Эрон гуфтааст, ки ин ҳамлаҳо “нақзи ошкори Оинномаи Созмони Милали Муттаҳид ва усули асосии ҳуқуқи байналмилал” маҳсуб мешаванд.

Ироқчӣ ҳамчунин, мақомоти амрикоиро ба истифода аз “таҳдидҳои ғайримантиқӣ” муттаҳам карда ва гуфтааст, ки ин иқдомҳо алайҳи мардуми Эрон ба далели дифоъ аз истиқлол, ҳуқуқ ва каромати инсонии онон анҷом мешавад.

Ӯ ҳушдор додааст, ки масъулони ин иқдомҳо наметавонанд бо иддаои иҷрои дастури мақомоти болотар, аз масъулияти қонунии худ фирор кунанд.

Dialog.tj