Вазорати дифои Русия мегӯяд, неруҳои ин кишвар дар 24 соати гузашта марказҳои захираи паҳподҳои дурпарвози Украина ва маҳалҳои истиқрори неруҳои ин кишварро дар 147 минтақа ҳадаф қарор додаанд.

Хабаргузории “ТАСС” рӯзи панҷшанбе, 16-уми июл, гузориш додааст, ки Вазорати дифои Русия гуфтааст неруҳои ҳавоӣ, мушакӣ ва тӯпхонаии ин кишвар, зерсохторҳои сӯзишворӣ, энержӣ ва ҳамлу нақли мавриди истифодаи артиши Украинаро низ ҳадаф қарор додаанд.

Бар асоси эъломи Вазорати дифои Русия, маҳалҳои истиқрори муваққатии неруҳои мусаллаҳи Украина ва ҷангҷӯёни хориҷӣ низ дар миёни ҳадафи ин ҳамлаҳо будаанд.

Ин дар ҳолест, ки Вазорати дифои Русия пештар низ эълом карда буд, ки шаби гузашта сомонаҳои дифои ҳавоии ин кишвар 375 паҳподи украиниро бар фарози хоки Русия нобуд кардаанд.

Dialog.tj