Сипоҳи посдорони Инқилоби Исломии Эрон дар баёнияе навишт, ки маҳалли иқомати шаҳрвандони амрикоӣ, инчунин, чанд анбори аслиҳа ва маркази иртибототи моҳвораии Иёлоти Муттаҳида дар Баҳрайнро ҳадафи ҳамлаҳои мушакӣ қарор додааст.

Хабаргузории “Тасним” рӯзи сешанбе, 14 –уми июл, гузориш додааст, ки ин ҳамла дар посух ба ҳамлаҳои артиши Иёлоти Муттаҳида ба Эрон анҷом дода шудааст.

Бар асоси гузориш, Сипоҳи посдорон гуфтааст, ки дар ин мавҷи ҳамлаҳои мушакӣ пойгоҳи Ҷуфайр дар Баҳрайн ҳадаф қарор гирифтааст.

Сипоҳи посдорон ҳамчунин, афзудааст, ки дар ҳамла ба ин пойгоҳ аз мушакҳои болистикӣ ва паҳподҳо истифода шудааст.

Ин дар ҳолест, ки дар чанд рӯзи ахир даргириҳои низомӣ миёни Эрон ва Иёлоти Муттаҳида шиддат гирифта, ҳар ду тараф ба мавқеъҳои якдигар дар Халиҷи Форс ҳамла анҷом додаанд.

Dialog.tj