Антониу Гутерриш, дабири кулли Созмони Милали Муттаҳид, гуфтааст, ки танҳо 36 дарсади ҳадафҳои рушди устувор дар масири дуруст қарор доранд ё ба пешрафти қобили таваҷҷуҳ даст ёфтаанд.

Гутерриш шаби душанбе, 13-уми июл, дар шабакаи “Х” навиштааст, ки ҷомеаи ҷаҳонӣ бояд барои суръат бахшидан ба раванди пешрафт дар заминаи ҳадафҳои рушди устувор, талошҳои худро афзоиш диҳад.

Дабири кулли Созмони Милали Муттаҳид таъкид кардааст, ки расидан ба ин ҳадафҳо ниёзманди роҳбарӣ, таъмини молиявӣ ва ҳамбастагии бештари миёни кишварҳо аст.

Ӯ афзудааст, ки ҳамкории ҷаҳонӣ метавонад заминаи сохтани ояндаи равшантареро барои ҳамагон фароҳам кунад.

Ҳадафҳои рушди устувори Созмони Милали Муттаҳид маҷмуае аз барномаҳо дар заминаи мубориза бо фақр, беҳбуди омӯзиш, коҳиши нобаробарӣ, ҳифзи муҳити зист ва таъмини некӯаҳволии иҷтимоӣ то соли 2030-ро дар бар мегиранд.

Dialog.tj