Ба зарардидагони офати табиӣ дар деҳаҳои Дарғу Каздони ноҳияи Айнӣ аз ҷониби фондҳои хайриявии «Чашмаи умед»-и Саидмурод Давлатов ва ҶДММ «Нури Ғафурӣ»-и Ғафуров Хурсандмурод, кумаки башардӯстона расонида шуд.

Бинобар иттилои Мақомоти иҷроияи ҳокимияти давлатии ноҳияи Айнӣ, ба оилаҳои зарардида маводи ғизоӣ ва дигар лавозимоти ниёзи аввал, аз ҷумла орд, равған, шакар, биринҷ, маҳсулоти хӯрокворӣ ва дигар маводи зарурӣ дастрас гардида, миёни сокинони эҳтиёҷманд тақсим карда шуд.

“Сокинони деҳаҳои Дарғу Каздон барои чунин иқдоми хайрхоҳона ба роҳбарони фондҳои мазкур изҳори миннатдорӣ намуда, таъкид карданд, ки чунин дастгириҳо дар баробари корҳои барқарорсозӣ барои беҳтар гардидани вазъи зиндагии онҳо аҳамияти калон дорад”, навиштааст манбаъ.

Dialog.tj