Сипоҳи посдорони Инқилоби Исломии Эрон хабар дод, ки дар ҳамла ба ду пойгоҳи ҳавоӣ дар Кувайт, чандин таъсисоти низомӣ, аз ҷумла тонкерҳои сӯзишворӣ ва сомонаҳои дифои ҳавоии “Патриот”-ро ҳадаф қарор додааст.

Сипоҳи Посдорон шаби якшанбе, 12-уми июл, дар баёнияе гуфтааст, ки ин ҳамлаҳо тавассути неруҳои ҳавофазо ва дар марҳилаи сеюми амалиёти “Чашм дар баробари чашм” дар вокуниш ба таҷовузи низомии Амрико алайҳи Эрон анҷом шудааст.

Бар асоси баёнияи Сипоҳ, дар ин ҳамлаҳо пойгоҳи ҳавоии Алӣ ас-Солим ва пойгоҳи ҳавоии Аҳмад ал-Ҷобир ҳадаф қарор гирифта, тонкерҳои сӯзишворӣ, сомонаҳои дифои ҳавоии “Патриот” ва як сомонаи роҳбурдии радарӣ осеб дидаанд.

Сипоҳи Посдорон гуфтааст, ки ин амалиёт ҳамчунон идома дорад, аммо дар бораи замони дақиқи ҳамлаҳо ва мизони хисороти он ҷузъиёти бештаре ироа накардааст.

Ин ниҳод ҳамчунин, ба Амрико дар бораи идомаи ҳузури низомӣ дар тангаи Ҳурмуз ҳушдор дода ва гуфтааст, ки Эрон иҷозаи идомаи “мудохилаи низомии хориҷӣ”-ро дар ин оброҳ нахоҳад дод.

Dialog.tj