Мақомоти Испания эълом карданд, ки бар асари сӯхтори ҷангал дар ин кишвар дастикам 12 нафар кушта шуда ва 23 тани дигар бедарак шудаанд.

Ба гузориши хабаргузории “Анадолу”, Хуанма Морено, раиси минтақаи Андалус дар ҷануби Испания, гуфта, ки сӯхтор то кунун беш аз 4 ҳазор гектар аз ҷангалҳои ин ноҳияро сӯзондааст.

Мақомоти вилояти Алмерия, ки маркази аслии ин сӯхтор аст, эълом карданд, ки чаҳор нафар ба бардоштани ҷароҳатҳо бар асари сӯхтор ба бемористон интиқол шудаанд ва дар вазъияти бад қарор доранд. Ҳамчунин, чаҳор нафари дигар ҷароҳатҳои сабук бардоштаанд.

Ин сӯхтор рӯзи панҷшанбе эҳтимолан бар асари осеб дидани як хати барқ оғоз шудааст, аммо сабаби дақиқи он дар ҳоли баррасӣ аст.

Ҳамчунин, вазиши шамол, ки суръаташон беш аз 50 километр дар як соат аст, боис шуда, ки шуълаҳои оташ пас аз мавҷҳои гармои охир дар заминҳои бисёр хушк зуд паҳн шаванд.

Антонио Санс, вазири тандурустӣ, раёсат ва мақомоти ҳолатҳои фавқулодаи Андалус, ин сӯхторро “сӯхторе бо бузургтарин паёмадҳо то имрӯз” дар минтақа тавсиф карда, онро “фоҷеае бесобиқа” хондааст.

Dialog.tj