Чанд соат пеш дар Амрико нишасти матбуотии пеш аз мусобиқаи UFC 329 баргузор гашт, ки размкорони муҳорибаҳои асосии он ба саволҳои хабарнигорон посух доданд.

Мусобиқаи UFC 329 субҳи 12-уми июл баргузор шуда, дар муҳорибаи асосии он собиқ чемпиони UFC дар ду вазн Конор Макгрегор ва собиқ чемпиони UFC Макс Холлоуэй рақобат хоҳанд кард.

Дар нишасти хабарӣ хабарнигорон бештари саволҳояшонро ба Конор Макгрегор доданд ва аз ӯ ҷавобҳои гуногун шуниданд. Ҷиҳати махсуси ин нишасти матбуотӣ он буд, ки пеш аз посухи аксар савол Конор Макгрегор “ман баргаштам” мегуфт.

“Ман баргаштам, Макгрегор баргашт. Ман дар қуллаи баландии корномаи варзишиам қарор дорам ва Макс Холлоуэйро дар чанд сонияи аввали муҳориба ба накаут мефиристам, - посух дод варзишгари ирландӣ ба саволе, ки чӣ интизорӣ дорад аз муҳорибааш.

Тавре дида мешавад, Конор Макгрегор нисбат ба худ боварии зиёд дорад. Ӯ ҳамчунин, ишора кард, ки мехоҳад барои камарбанди чемпионӣ дар вазни ниммиёна бо ғолиби муҳорибаи Ислом Махачев ва Иэн Герри рақобат кунад.

Dialog.tj