Сайид Аббос Ироқчӣ, вазири корҳои хориҷии Эрон, гуфта, ки пайвандҳои Эрон ва Ироқ фаротар аз марзҳои ҷуғрофиёӣ ва равобити ҳамсоягӣ аст ва реша дар таърихи муштараки ду кишвар дорад.

Ироқчӣ рӯзи панҷшанбе, 9-уми июл, дар саҳифаи “Х” аз давлат ва мардуми Ироқ ба сабаби мизбонӣ ва баргузории маросими видоъ бо Алӣ Хоманаӣ, раҳбари пешини Эрон, қадрдонӣ кардааст.

Вазири корҳои хориҷии Эрон равобити миёни Теҳрон ва Бағдодро амиқ ва решадор хонда, бар пайвандҳои таърихӣ ва фарҳангии миёни ду кишвар таъкид кардааст.

Ӯ ҳамчунин, аз Ироқ ба унвони кишваре бархӯрдор аз “саховат ва асолат” ёд карда ва ин вижагиҳоро нишонаи вафодорӣ ва равобити наздики миёни ду миллат донистааст.

Пеш аз ин низ маросими видоъ бо Алӣ Хоманаӣ дар Эрон баргузор шуда буд ва Исмоил Бақоӣ, сухангӯи Вазорати корҳои хориҷии Эрон, гуфта буд, ки меҳмононе аз ҳудуди 100 кишвар дар ин маросим ҳузур хоҳанд ёфт.

Dialog.tj