6-уми июл дар асоси иҷрои Қонуни Ҷумҳурии Тоҷикистон «Дар бораи авф» 2 ҳазору 979 нафар аз зиндон ба озодӣ баромаданд.

Тавре ки АМИТ «Ховар» бо такя ба маълумоти Сарраёсати иҷрои ҷазои ҷиноятии Вазорати адлияиҶумҳурии Тоҷикистон хабар медиҳад, озодшудагоназ зиндонҳои шаҳри Норак, Ваҳдат, ноҳияҳои Ёвонва Дӯстӣ мебошанд.

Гуфта мешавад, ки аз шумораи озодшудагон 297 нафари онҳоро занон ҳастанд.

Бояд гуфт, ки Қонуни Ҷумҳурии Тоҷикистон «Дар бораи авф» ба 18 ҳазору 38 нафар маҳкумшудататбиқ мегардад. Аз ҷумла, аз ҷойҳои маҳрумӣ аз озодӣ, аз муассисаҳои сукунатӣ ва ҷазоҳои дигариба маҳрумӣ аз озодӣ алоқаманднабуда 11 ҳазору305 нафар озод мешавад. Муҳлати адонагардидаиҷазои 6733 нафар кам карда мешавад.

Гуфтан бамаврид аст, ки 16-уми июн Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати 35-солагии Истиқлолияти давлатӣ ва бо истифода аз ҳуқуқи конститутсионӣ лоиҳаи Қонуни Ҷумҳурии Тоҷикистон «Дар бораи авф»-ро ба Маҷлиси намояндагони Маҷлиси Олии Ҷумҳурии Тоҷикистон пешниҳод намуданд ва баъд аз қабули Қонун ба он имзо гузоштанд.

Ёдовар мешавем, ки озод шудани 2 ҳазору 979 нафар аз зиндонҳо гурӯҳи аввалини зиндониёни озодшуда мебошанд ва қонун марҳила ба марҳила тадбиқ мегардад.

Dialog.TJ