Британия ва Фаронса дар як баёнияи муштарак эълом кардаанд, ки тангаи Ҳурмуз “шоҳроҳи ҳаётӣ барои иқтисоди ҷаҳонӣ” аст ва таъмини убури амни киштиҳо аз ин масир як мавзуи нигаронии ҷаҳонӣ ба шумор меравад.

Дар ин баёния, ки аз ҷониби Кир Стармер, нахуствазири Британия ва Эммануэл Макрон, раиси ҷумҳури Фаронса, рӯзи ҷумъа, 3-уми июл, нашр шудааст, таъкид гардидааст, ки “барқарор кардани убури амни киштиҳои ҳамаи кишварҳо аз ин танга як масъалаи ҷаҳонӣ аст”.

Ду кишвар гуфтаанд, ки Салтанати Умон тавофуқ кардааст, ки бо Британия ва Фаронса барои таъмини амнияти обҳои сарзаминии худ ва ва кафолати амни киштиронӣ ҳамкорӣ кунад.

Дар идомаи ин баёния омадааст, ки Британия ва Фаронса омодагӣ доранд, дар сурати зарурат, дар чаҳорчӯби як “маъмурияти низомии чандмиллатӣ” барои ҳимоят аз озодии киштиронӣ дар тангаи Ҳурмуз иқдом кунанд.

Раҳбарони ду кишвар ҳамчунин, бар уҳдадории муштараки худ ба суботи минтақавӣ, эҳтиром ба ҳокимияти кишварҳо ва ҳамкории наздик бо шарикон барои ҳифзи амнияти ҷаҳонӣ, озодии киштиронӣ ва қонунҳои байналмилалӣ таъкид кардаанд.

Dialog.tj