Манобеи маҳаллӣ дар минтақаи Бадахшони Афғонистон ба расонаҳои ин кишвар гуфтаанд, ки як корвони иборат аз даҳҳо адад мошини гурӯҳи террористии Толибон, муҷаҳҳаз бо силоҳҳои сангин, аз роҳи Яфтали поён ба самти ноҳияи Дарвози вилояти Бадахшон ҳаракат кардаанд.

Манобеъ шоми панҷшанбе, 2-уми июл дар суҳбат бо рӯзномаи “8- субҳ” гуфтаанд, ки корвони Толибон шоми панҷшанбе аз ин роҳ убур карда ва ҳамаи мошинҳо ба силоҳ муҷаҳҳаз будаанд.

Наворе, ки ба дасти расонаҳо расидааст, нишон медиҳад, ки ин корвон ҳудуди соати 7:00-и шом аз минтақаи Дашти қаруғ дар ҳоли убур будааст.

Ин таҳаррукот дар ҳоле сурат мегирад, ки манобеъ пештар аз сафари Мулло Яъқуб, вазири дифои Толибон, ба ноҳияҳои Вахон ва Ишкошим дар Бадахшони Афғонистон хабар дода буданд.

Ба гуфтаи манобеъ, ӯ дар ин сафар вазъи неруҳо ва тавоноиҳои низомии Толибонро дар минтақаҳои марзӣ баррасӣ кардааст.

Гурӯҳи террористии Толибон дар рӯзҳои охир ҳузури низомии худро дар минтақаҳое аз Бадахшони Афғонистон афзоиш додаанд ва ба бовари бошандагони маҳаллӣ, вазъи ин минтақа ва танишҳои ахир боиси нигаронии мақомҳои Толибон шудааст.

Dialog.tj