Исмоил Бақоӣ, сухангӯи Вазорати корҳои хориҷии Эрон, эълом кардааст, ки меҳмононе аз 100 кишвар дар маросими дафни ҷанозаи Алӣ Хоманаӣ, раҳбари пешини Эрон, ҳузур хоҳанд ёфт.

Хабаргузории “Форс” рӯзи панҷшанбе, 2-уми июл, гузориш додааст, ки Бақоӣ гуфтааст ин меҳмонон шомили раисони давлатҳо, вазирони корҳои хориҷӣ, намояндагони вижаи давлатҳо, шахсиятҳои сиёсӣ ва гурӯҳҳои мардумӣ аз кишварҳои гуногун ҳастанд.

Бақоӣ маросими дафни Алӣ Хоманаиро рӯйдоди таърихӣ ва муҳим тавсиф карда, гуфтааст, ки ин маросим на танҳо барои мардуми Эрон, балки барои мардуми минтақа, мусулмонон ва озодихоҳони ҷаҳон аҳамият дорад.

Ӯ афзудааст, ки ин маросим аз субҳи рӯзи ҷумъа, бо ҳузури мақомҳои расмӣ, шахсиятҳои сиёсӣ ва гурӯҳҳои мардумӣ оғоз мешавад ва то баъд аз нисфирӯзӣ идома хоҳад дошт.

Иёлоти Муттаҳида ва Исроил рӯзи 28-уми феврал таҷовузи муштаракеро алайҳи Эрон оғоз карданд, ки дар натиҷаи он даҳҳо мақоми аршади низомӣ, аз ҷумла Алӣ Хоманаӣ, раҳбари пешини Эрон, кушта шуданд.

Dialog.tj