Си Ҷинпин, раиси ҷумҳури Чин, гуфтааст, ки ҳалли масъалаи Тайван “як маъмурияти таърихӣ ва уҳдадории ҳамаҷониба” барои Ҳизби коммунист аст.

Хабаргузории “Синхуа” рӯзи чоршанбе, 1-уми июл, гузориш додааст, ки раиси ҷумҳури Чин ин изҳоротро дар маросими таҷлили 105-солагии таъсиси Ҳизби коммунист баён кардааст.

Бар асоси гузориш, Си Ҷинпин бар раҳбарии мутлақи Ҳизби коммунист бар неруҳои мусаллаҳи ин кишвар таъкид намуда, иттиҳоди Тайван бо хоки аслии Чинро як маъмурияти таърихӣ хондааст.

Ҷумҳурии Халқии Чин Тайванро бахше аз қаламрави худ медонад ва ҳамеша бар пайвастани он ба хоки аслӣ таъкид мекунад.

Пекин нисбат ба ин ҷазира ҳассосияти баланд дорад ва таниш дар робита ба он гоҳ-гоҳ сабаби тира шудани равобити Чин бо кишварҳои ғарбӣ мешавад.

Dialog.tj