Бенёмин Нетаняҳу, нахуствазири режими Исроил, дар сафараш ба минтақаҳои таҳти назорати артиши Исроил дар ҷануби Лубнон гуфтааст, ки Исроил то замоне, ки Ҳизбуллоҳ барои амнияти Исроил таҳдид бошад, аз ҷануби Лубнон ақибнишинӣ нахоҳад кард.

Нетаняҳу рӯзи сешанбе, 30-уми июн, дар дидор бо неруҳои исроилӣ таъкид кардааст, то замоне, ки Ҳизбуллоҳ мусаллаҳ бошад ва Исроилро таҳдид кунад, неруҳои Исроил дар ҷануби Лубнон боқӣ хоҳанд монд.

Ин нахустин сафари Нетаняҳу ба минтақаҳои таҳти назорат дар Лубнон аз замони тавофуқи амниятӣ миёни Исроил ва Лубнон аст, ки ҳафтаи гузашта бо миёнҷигарии Иёлоти Муттаҳида ба даст омад.

Бар асоси ин тавофуқ, Исроил мутааҳҳид шудааст, ки назорати ду минтақаро ба артиши Лубнон вогузор кунад.

Исроил аз оғози ҷанг дар моҳи март минтақаи махсусе ба умқи ҳудуди 10 километр дар дохили хоки Лубнон эҷод кардааст ва мегӯяд, ки ҳадаф аз он пешгирӣ аз ҳамлаҳои Ҳизбуллоҳ ба шаҳракҳои шимолии Исроил аст.

Бар асоси гузоришҳо, аз оғози ин даргириҳо то кунун беш аз 4 ҳазор нафар сокини осоишта дар Лубнон кушта ва беш аз як миллион нафар овора шудаанд.

Dialog.tj