Бадр ал-Бусаидӣ, вазири корҳои хориҷии Умон, гуфтааст, ки ин кишвар бо “ҷорӣ кардани боҷи гумрукӣ” барои киштиҳое, ки аз тангаи Ҳурмуз убур мекунанд, мухолиф аст.

Хабаргузории “Ал-Ҷазира” рӯзи сешанбе, 30-уми июн, гузориш додааст, ки вазири корҳои хориҷии Умон ин мавзуъро дар гуфтугӯ бо як расонаи фаронсавӣ матраҳ кардааст.

Бар асоси гузориш, ҳарчанд Умон бо ҷорӣ кардани боҷи гумрукӣ мухолиф аст, аммо ба назар мерасад, ки аз дарёфти ҳаққи хизмат барои “хидматрасонии дарёӣ, муҳити зист ва киштиронӣ” истиқбол мекунад.

Вазири корҳои хориҷии Умон гуфтааст: “Бархе аз хизматрасониҳои мумкин аст шомили афзоиши амнияти новбарӣ, муҳофизати обҳо дар баробари олудагӣ ва афзоиши омодагӣ барои муқобилият бо ҳодисаҳо ё ҳолатҳои изтирорӣ бошад”.

Ин дар ҳолест, ки дар рӯзҳои охир пешниҳоди эҷоди як масири нави убури киштиҳо аз тангаи Ҳурмуз аз сӯйи Умон бо вокуниши ҷиддии Эрон рӯбарӯ шудааст.

Dialog.tj