Бо поёни марҳилаи гурӯҳии Ҷоми ҷаҳонии 2026, тимҳои роҳёфта ба марҳилаи якшонздаҳуми ниҳоӣ ҳарифони худро дар ин марҳила муайян карданд ва рақобатҳои ҳассоси марҳилаи ҳазфӣ оғоз хоҳад шуд.

Бар асоси барномаи мусобиқаҳо, тимҳои Ҳолланд ва Марокаш рӯзи душанбе, 29-уми июн, дар нахустин дидори ин марҳила ба бозӣ хоҳанд рафт.

Ин мусобиқа рақобати ду тими ҳозир дар миёни 10 тими бартари радабандии ФИФА аст ва аз муҳимтарин дидорҳои ин марҳила ба шумор меравад.

Дар идомаи рақобатҳо, Кот-д Ивуара баробари Нарвегия қарор мегирад: дидоре, ки интизор меравад Эрлинг Ҳоланд пас аз истироҳат дар охирин бозии марҳилаи гурӯҳӣ, бори дигар дар ҳайати асосии Нарвегия ба майдон барояд.

Фаронса, яке аз муддаиёни қаҳрамонӣ, низ баробари Шветсия сафороӣ хоҳад кард.

Дар ҳамин ҳол, тими миллии Амрико бо ҳидояти Маурисио Почеттино ба муқобили Босния ва Гертсоговина меравад.

Испания дар дигар дидори марҳилаи якшонздаҳуми ниҳоӣ баробари Австрия қарор хоҳад гирифт ва Португалия низ дар яке аз ҷаззобтарин мусобиқаҳои ин марҳила бо Хорватия рӯбарӯ мешавад: дидоре, ки рақобати Криштиану Роналдо ва Лука Модрич таваҷҷуҳи бисёреро ба худ ҷалб кардааст.

Дар идома, Аргентина, мудофеи унвони қаҳрамонӣ, бо тими Кабо-Верде дидор хоҳад кард ва Колумбия низ пас аз садрнишинӣ дар гурӯҳи худ, дар баробари Гана ба майдон меравад.

Марҳилаи якшонздаҳуми ниҳоии Ҷоми ҷаҳонии 2026 аз 29-уми июн то 3-уми июл баргузор мешавад ва тимҳои пирӯз ба марҳилаи якҳаштуми ниҳоии ин рақобатҳо роҳ хоҳанд ёфт.

Dialog.tj