Вазорати тандурустии Лубнон эълом кардааст, ки аз замони азсаргирии даргириҳо дар 2-уми март, дастикам 4 ҳазору 247 тан дар ҳамлаҳои Исроил дар саросари ин кишвар кушта шудаанд.

“Ал-Ҷазира” рӯзи якшанбе, 28-уми июн, гузориш додааст, ки илова бар кушташудагон, 12 ҳазору 195 тани дигар низ дар ин ҳамлаҳо захмӣ шудаанд.

Ин омор дар ҳоле мунташир мешавад, ки даргириҳо миёни Исроил ва Лубнон ҳамчунон идома дорад ва ҳамлаҳои ҳавоии Исроил ба минтақаҳои гуногуни Лубнон мутаваққиф нашудааст.

Ҳамзамон, Сайид Аббос Ироқчӣ, вазири корҳои хориҷии Эрон, аз Иёлоти Муттаҳида хостааст, ки Исроилро барои таваққуфи ҳамлаҳо ба Лубнон ва иҷрои комили тафоҳумнома миёни Теҳрон ва Вашингтон таҳти фишор қарор диҳад.

Ироқчӣ ҳамчунин, таъкид кардааст, ки иҷрои комили ин тафоҳумнома, аз ҷумла бандҳои марбут ба Лубнон, барои коҳиши танишҳо ва барқарории субот дар минтақа зарурӣ аст.

Dialog.tj