Бинобар иттилои Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон, аз 27-ум то 30-юми июн бо сабаби боришоти зиёд дар ноҳияҳои доманакӯҳию кӯҳии тобеи ҷумҳурӣ, вилояти Суғд ва ноҳияҳои ғарбии Вилояти Мухтори Кӯҳистони Бадахшон хавфи сар задани селҳои хусусияти маҳаллӣ дошта боқӣ мемонад.

Агентии обуҳавошиносӣ инчунин, иттилоъ медиҳад, ки 29-ум ва 30-юми июн дар шаҳру ноҳияҳои вилояти Хатлон, ноҳияҳои тобеи ҷумҳурӣ ва шаҳри Душанбе бо сабаби шидданокии вазиши шамол аз самти минтақаҳои ҷанубӣ ба амал омадани хокбориш пешгӯӣ мешавад.

“Дар натиҷаи хокбориш ва интиқоли чангу ғубор эҳтимолияти паст шудани сифати ҳавои атмосферӣ бо баланд шудани консентратсияи моддаҳои муаллақ (чангу ғубор), аз ҷумла заррачаҳои андозаашон то  10 мкр (PM₁₀) ва то 2,5 мкр (РМ₂) дар назар аст”, - афзудааст манбаъ.

Dialog.tj