Антониу Гутерриш, дабири кулли Созмони Милали Муттаҳид, бо изҳори ҳамдардӣ нисбат ба қурбониёни заминларзаҳои маргбор дар Венесуэла, аз омодагии ин созмон барои ҳимоят аз раванди кумакрасонӣ ба осебдидагон хабар додааст.

Гутерриш рӯзи панҷшанбе, 25-уми июн, дар саҳифаи “Х” навиштааст, ки аз ҷон бохтани шумори зиёде аз шаҳрвандони Венесуэла ва вайронаҳои густурда аз ин заминларзаҳо амиқан андӯҳгин аст.

Ӯ дар ин паём гуфтааст, ки ниҳодҳои Созмони Милал барои ироаи кумакҳо муттаҳид шудаанд ва аз наздик бо давлати Венесуэла ва шарикони худ барои ҳимоят аз талошҳои ёрирасонӣ ҳамкорӣ мекунанд.

Дабири кулли Созмони Милал ҳамчунин, таслияти худро ба хонаводаҳои қурбониён изҳор карда ва барои захмиёни ин рӯйдод орзуи сиҳатмандӣ кардааст.

Ин изҳорот дар ҳоле матраҳ мешавад, ки амалиёти ҷустуҷӯ ва наҷот дар минтақаҳои осебдидаи Венесуэла идома дорад ва нигарониҳо дар бораи вазъияти ҳазорон фард ҳамчунон побарҷост.

Dialog.tj