Марко Рубио, вазири корҳои хориҷаи Иёлоти Муттаҳида, эълом кардааст, ки авлавияти аслии Вашингтон дар пайи заминларзаи маргбор дар Венесуэла, наҷоти афроде аст, ки ҳамакнун зери вайронаҳо гирифтор мондаанд.

“Ал-Ҷазира” рӯзи панҷшанбе, 25-уми июн, гузориш додааст, Рубио дар гуфтугӯ бо хабарнигорон гуфтааст, ки ҳадафи аслӣ дар ҳоли ҳозир наҷоти афроде аст, ки зери вайронаҳо мондаанд.

Рубио гуфтааст, ки бархе аз қурбониён ба Иёлоти Муттаҳида вобастагӣ доранд, аммо кумакрасонӣ ба осебдидагон сирфан ба ин далел анҷом намешавад ва Вашингтон бар ҷанбаи инсонии ин фоҷиа тамаркуз дорад.

Бар асоси гузоришҳо, дастикам 164 нафар дар ин заминларза ҷони худро аз даст дода ва наздики як ҳазор нафари дигар захмӣ шудаанд.

Вазири корҳои хориҷаи Амрико гуфтааст: “Мо бо ин вазъият рӯбарӯ шудаем ва акнун бояд ба он посух диҳем ва ин корро ба шакли бисёр мусбат анҷом хоҳем дод”.

Рубио бо изҳори ҳамдардӣ бо қурбониёни ин фоҷиа, изҳори умедворӣ кардааст, ки Венесуэла бо вуҷуди ин фоҷиа, дар ниҳоят аз ин буҳрон нерумандтар берун хоҳад омад.

Dialog.tj