Марко Рубио, вазири корҳои хориҷаи Амрико бо Муҳаммад бин Зоид Оли Наҳён, амири Имороти Муттаҳидаи Араб дар бораи вазъияти тангаи Ҳурмуз ва тавофуқ бо Эрон гуфтугӯ кардааст.

Расонаҳои байналмилалӣ рӯзи чоршанбе, 24-уми июн, гузориш додаанд, ки вазири корҳои хориҷаи Амрико уҳдадории Иёлоти Муттаҳидаро нисбат ба амнияти Иморот таҷдид кардааст.

Бар асоси гузориш, Томми Пиготт, сухангӯи вазорати корҳои хориҷаи Амрико, гуфтааст, ки Рубио ва амири Иморот дар бораи талошҳо барои таъмини амнияти комил ва убури амни киштиҳо аз тангаи Ҳурмуз ва ёддошти тафоҳуми Эрону Амрико гуфтугӯ кардаанд.

Кишварҳои арабии соҳили ҷанубии Халиҷи Форс аз муттаҳидони Амрико ва мизбони пойгоҳҳои низомии ин кишвар дар минтақа мебошанд.

Дар тӯли ҷанги Исроил ва Амрико алайҳи Эрон, ин кишварҳо ҳадафи мушакҳо ва паҳподҳои шилликшуда аз Эрон қарор гирифта буданд.

Dialog.tj