Шоми гузашта дар даври гурӯҳии Ҷоми ҷаҳон-2026 мунтахабҳои Португалия ва Узбекистон бо ҳам рақобат карданд.

Дар вохӯрии мазкур футболбозони португалӣ 5 голи беҷавоб ба дарвозаи тими миллии Узбекистон ворид карданд, ки ду голашро капитани даста Криштиану Роналду ба самар расонид.

Воқеан ҳам, қаҳрамони асосии бозии мазкур Криштиану Роналду буд. Пеш аз бозӣ ӯро аксар танқид карданд, ки синну солаш ба ҷое расидааст ва набояд дигар дар ҳайати асосии тими миллии Португалия ба майдон барояд, вале ӯ исбот кард, ки ҳоло ҳам тавоно аст.

“Ҳама маро танқид карданд, вале ман баргаштам ва тавре дидед ду гол задам”, - гуфт Криштиану Роналду пас аз бозӣ.

Бояд гуфт, ки Криштиану Роналдуи 41-сола бо задани ду гол ба дарвозаи Узбекистон шумораи голҳояшро дар Ҷоми ҷаҳон ба 10 расонид ва беҳтарин голзани мунтахабаш дар таърихи ин мусобиқа гардид. Инчунин, Криштиану Роналду аввалин футболбозе шуд, ки дар 6 Ҷоми ҷаҳон ба задани гол даст ёфтааст.

Ҳоло дар гурӯҳи “К” тими миллии Колумбия бо 6 имтиёз дар ҷойи якум, Португалия бо 4 имтиёз дар ҷойи дуюм, Конго бо 1 имтиёз дар ҷойи сеюм ва Узбекистон бидуни имтиёз дар ҷойи чорум қарор доранд.

Dialog.tj