Созмони Милали Муттаҳид эълом кардааст, ки оташбас дар ҷануби Лубнон “то ҳадди зиёд побарҷо” мондааст, аммо неруҳои муҳофизи сулҳи ин созмон ҳамчунон фаъолиятҳои заминӣ ва ҳавоии артиши Исроилро дар минтақаҳои марзӣ зери назар доранд.

Стефан Дюжаррик, сухангӯи Созмони Милал, рӯзи сешанбе, 23-уми июн, гуфтааст, ки неруҳои Ҳайати муваққатии Созмони Милал дар Лубнон (ЮНИФИЛ) рӯзи душанбе тирпарронии шадиди артиши Исроилро дар наздикии минтақаи Байёза мушоҳида кардаанд.

Дюжаррик, ҳамчунин, аз мушоҳидаи парвози паҳподҳои исроилӣ бар фарози минтақаҳои амалиётии ЮНИФИЛ хабар дода ва гуфтааст, ки ин паҳподҳо зоҳиран барои назорат бар неруҳои муҳофизи сулҳи Созмони Милал ба кор гирифта шуда буданд.

Созмони Милал аз ҳамаи тарафҳои даргир хостааст, ки ба оташбас пойбанд бимонанд ва дар шароити ҳассоси кунунӣ, ба вижа ҳамзамон бо идомаи музокироти дипломатӣ, аз ҳар гуна иқдоми танишзо худдорӣ кунанд.

Dialog.tj